بيسأل الزبون شو بدو يشغّل، بيعطيه تقدير أولي من باقاتك إنت، وبياخدله طلب زيارة كشف ببلاش. وإنت بتبعت عرض السعر النهائي بكبسة وحدة.
بيرد على نفس رقم واتساب شركتك، من المعلومات اللي إنت بتكتبها: باقاتك وقطعك وأسعارها وكفالاتها. وإنت بتشوف كل كلمة، وبتتدخّل وقت ما بدك.
بالشركة التجريبية، المساعد اسمه «مجد»، وفيك تسمّيه متل ما بدك.
أي شي فيه خطر، أو عطل بمنظومة مركّبة، المساعد ما بيقرر عنك. هيك بيتصرف:
لوحة وحدة فيها كل الطلبات: مين لسا ما انحكى معه، مين ناطر زيارة، مين وصله عرض السعر، ومين وافق.
بتختار الباقة والقطع من كتالوجك، بتعدّل الكمية أو السعر إذا بدك، والمجموع بينحسب لحاله. «ابعت العرض» وبيوصل الزبون على الواتساب باسم شركتك، والطلب بينتقل لـ«عرض سعر».
وإذا ما ردّ، بتطلعله متابعة بعد يومين، وتانية بعد 6 أيام.
باسم الزبون واسم شركتك، بوقتها. إنت ما بتكتب ولا رسالة منهن، وفيك تعدّل كلامهن متل ما بدك.
مرحبا خالد ☀️ تذكير من شركة النور: الفني جاييك بكرا الساعة 4:00 ليشوف المكان ويحسبلك المنظومة. إذا في أي تغيير ردّ علينا هون.
مرحبا خالد ☀️ لحقت تشوف عرض السعر؟ إذا في أي سؤال أو بدك تعديل احكينا.
خالد، العرض بعده ساري. إذا حابب نثبّت موعد التركيب ابعتلنا كلمة.
مبروك خالد ☀️ شكراً لثقتك بـشركة النور. إذا لاحظت أي شي بالمنظومة ابعتلنا هون.
مرحبا خالد، طمّنا كيف شغل المنظومة معك؟ البطاريات عم تكفيك بالليل؟
مرحبا خالد ☀️ صار وقت تنظيف الألواح، الغبرة بتنقّص الإنتاج. بدك نبعتلك حدا؟
↻ومع كل تركيب جديد. إذا رجع نفس الزبون وركّب منظومة تانية، بتمشي رسائل ما بعد التركيب من أول.
كل باقة مكتوب عليها شو بتشغّل، وقديش الإنفرتر والبطارية والألواح. والمساعد بيختار منها، ما بيطلع من عنده.
نفس النظام للشركة الصغيرة والكبيرة. بتختار إذا بدك المساعد الذكي معه.
كل النظام، وإنت بترد على زباينك بنفسك.
كل شي بالباقة الأولى، وفوقه مساعد بيرد ويحجز زيارات عنك.
كل رقم واتساب إضافي $10 بالشهر
الدفع شهري، ومنرتّبه مباشرة مع فريق مُحْكَم
فريق صغير من مُحْكَم، نصّه بشر ونصّه ذكاء اصطناعي، وكلنا شغلتنا وحدة: ولا زبون بيسأل عن الطاقة الشمسية بيضيع على شركتك.
بيقعد مع أصحاب شركات الطاقة الشمسية، بيسمع شو بيتعبهم، وبيقرر شو منبني بعدين.
بيبني طاقتي ويطوّره كل يوم: الطلبات، الكتالوج، عروض الأسعار، المساعد، والتذكيرات.
بترد عليك ليل نهار، بتشرحلك النظام، وبتسجّلك، وإذا علقت بشي بتحلّه معك.
احكي معها ←بيوصّل طاقتي لشركات الطاقة الشمسية بسوريا، قريب منها على الأرض، وبيتابع معك من أول يوم لحتى يمشي كل شي.
شام هي المساعدة الذكية لمُحْكَم، على الواتساب. اسألها أي شي عن طاقتي، وإذا حبيت تبلّش، بتاخد معلوماتك وفريق مُحْكَم بيتواصل معك ليفتحلك الحساب.